March 12, 2008

قصة خيالية اردنية

blog about jordan day
A jordanian fairy tale


قصة خيالية اردنية

كان يا ما كان في قديم الزمان و في سالف العصر و الاوان
بلد صغيرة جميلة يعيش فيها عائلة صغيرة مكونة من اب و ام وولد فقط

يصحى ابو عقلة من النوم نشيطا مبتسما
و ينظر الى ام عقلة بحب ووله

ابو عقلة: يسعدلي هالصباح شو هالحلاوة هاي اي انا الي تلاتين سنة بتصبح بهالقمر

ام عقلة: يي يا ابو عقلة انا اللي بتصبح ب احلى قمر احضرلك الفطور؟


ابو عقلة: اه بس اطفي التدفئة شوبت كتير و الله هدول بالارصاد دقيقين بطريقة مش معقولة
يعني اللي بيقولوه بيطلع صح

ام عقلة: شايف شو الطقس حلو برة؟ التلج داب من مبارح
و الجرافات رفعتة من الطريق و كل شي برة نضيف..
خليني اصحي عقلة يلحق يتحمم و يفطر و يروح على دوامه و بحضر الفطور


ابو عقلة :ما تنسي العسل و القشطة يا قشطة

ام عقلة تذهب لايقاظ عقلة ,تدخل غرفة عقلة المرتبة النظيفة جدا و تراه نائما كالملاك


ام عقلة: عقلة اصحى يما الساعة ستة
عقلة يصحى بسرعة شديدة و يقفز من سريره بنشاط
عقلة: يسعد صباحك يما..يا باي يما شو بحب يوم الاحد بعد العطلة
هيك ارجع ع دوامي ..انا يما بحب شغلي كتير

ام عقلة: بس يما زي ما بوصيك دايما انت شرطي سير و الناس امانة برقبتك
عقلة: و لو يما..انا اصلا كل مواطن اخ و كل مواطنة اخت بديش وصاة

يفطر ابو عقلة و ام عقلة و عقلة في جو من الالفة العائلية الجميلة

و يقبّل ابو عقلة ام عقلة بعد ان يضع في يدها خمسين دينار مصروف اليوم

يذهب عقلة الى عمله مبتسما و يقف في مكانه على دوار عبدون

تمر سيارة مسرعة و يوقفها و يذهب للسائق مبتسما


عقلة: صباح الخير يا اخي ..كيف حالك؟ بس يا ريت تخفف السرعة شوي عالدوار
و بلاش التشحيط و كمان لو تحط الموبايل من ايدك لانه خطر على سلامتك و سلامة غيرك اتمنى لك نهار سعيد

المواطن مبتسما: شكرا سيدي الله يعطيك العافية
و يقود سيارته بتمهل و حذر

يتحدث عقلة لنفسه: ما شاء الله ما احلى سيارته الله يزيد و يبارك

ابو عقله في دوامة باحدى الدوائر الحكومية ينهمك في عمله

ولا يلتفت يمينا او يسارا

ولا يحادث زملائه

ولا يشرب الشاي

او يحل الكلمات المتقاطعة

و يبدا المواطنون بالتوافد على الدائرة التي تتسم بالنظافة الشديدة

و التي يوجد بها كراسي نظيفة جدا مرتبة غير مكسورة او مطبشة او مكتوب عليها


و يقفون بترتيب في طابور منظم بدون تأفف مع احترام النظام و اعطاء الاولية لغيرهم

يقترب اول مواطن من ابو عقلة مبتسما

المواطن: صباح الخير

ابو عقلة: صباح النور شو طلباتك نحنا هون في خدمتك و لراحتك و مساعدتك

المواطن: بس بدي توقعلي هالورقة

ابو عقلة: بكل سرور بس بدها توقعين تانين بعد هيك و بتكون جاهزة

يشكر المواطن ابو عقلة و يوقع التوقعين و تنتهي معاملتة خلال نصف ساعة و يغادر الدائرة

يخرج للشارع و يوقف تاكسي

و يجلس قرب السائق النظيف الذي تخلو سيارته من اية زينة او علبة كلينكس معلقة بالسقف

و التي يمنع فيها التدخين

و يقود السائق سيارته بكل لياقة و ادب و اخلاق

دون ان يتجاوز او ييتوقف على المنعطفات بدون انذار

و دون ان يشتم او يسب او يتافف من الحكومة او الغلاء او المخالفات الغير موجودة اصلا

و دون ان يفرض ارائه السياسية و نظرياته على الراكب

و دون ان يبصق من النافذة
و تنتهي الرحلة و يدفع الراكب النقود بدون نقاش
و يعيد له السائق الباقي بكل سرور لوجود الكثير من الفكة بحوزته

و يتابع السائق طريقه مبتسما هادئا
يستمع لصوت الوكيل الشجي على الراديو الذي قرر ان يستقيل لان البلد خالية من المشاكل
يتوقف على اشارة المرور ولا يقترب منه اي شحاد او بائع زهور او العاب لا معنى لها و لا يزمر للذي امامه او يقرفه
و يشكر الله على نعمته و يحمده على خيراته

و يقول لنفسه: يا الله شو بحب هالبلد يا رب اعيش فيها للابد
ولا بدي اطلع ولا اخد فيزا ولا اهج

و توتة توتة خلصت الحدوتة




انا قلت انها قصة خيالية بس بحب اعيد و اذكر

43 comments:

Anonymous said...

يا الله ما احلى التفكير الإيجابي... وانشالله بتصير حق ... يمكن بالأحلام
احنا بنحبّها هيك.. بطحبشتها .. بعفشكتها .. بنحبّها
زي قلاية البندورة .. بدون فلفل .. ما بتتاكل

تسلمي يا ملائط يا عسل .. و تسلم ايدك

Maioush said...

LOOOOOOOOOOOOOOL 3ala el picture Mala2e6 :D
as always, abda3ti :D
miss u kteer walek! :)

Me said...

I love your fictional story!! always creative and positive...Hope it will come a reality one day.
the best part is: يقترب اول مواطن من ابو عقلة
" مبتسما"
i would say to this post, In your dreams!!

Adoosh said...

LOOOL @ لصوت الوكيل الشجي على الراديو

Tamara said...

Loool ya mala2e6

Creative as always !

Anonymous said...

LOOOOOOOOOOOOOOOOOOOOOOOOOOOL
3awdeh muwaffaqa :-)
y3ni lawla el maktab o mudeeri elli 2a3ed 2bali i would laugh out LOUD... really loud :-D
nahfeeeeeeeeeeeeeeeh..
bs 3njad enshalla nusal lahai el mar7aleh... ya Rab...
Allah kareem ;-)

Anonymous said...

looooool el sora ta7sheesh
men tomek la bab el sama ya mala2e6

Sharkooseh said...

khkhkhkhkkhkhkhkkhkhkh nahoofeh inti :P
ino ya rait hal balad ele be bali kanat haik bas ino ,,, :P allah yefrejha :P

Mala2e6 said...

Qwaider
عجبني التشبية
قلاية بندورة
ممكن كمان تكون صينية خضرة اللي فيها كل خضار العالم عشان الكوليكشن اللي عنا
شكرا قويدر الك و لميوش على الفكرة و كان يوما اردنيا جميلا

maioush
ana kaman miss u akthar w akthar bil tha2..thanks maioush u too abda3to b hal fekra..:)

Summoor
i hope that too,u know i felt so relaxed,calm and serene while i was writing this..nice feeling.thanks summorty


adoosh
صوتة يا اخي بيعملي مغص معوي
اهلا ادوش

tamtam
thanks tam tam ..pleased to see you as always

naryat
يا رب نصير هيك
ادعي يختي دعوة الولايا واصلة
من حقنا نحلم و من حقنا نحقق الحلم كمان

صح؟

wonders

هدا بس اردني اله وهرة و هيبة

اما اليوم اكمن بسة قرقعوني
هو شو فس هالايام؟ مالهم؟

:D

اهلا وندرز
ميس يو

sharkooseh

برضة ادعي معانا انا و نرنر عشان الدعوات الجماعية كمان بتوصل

احلى شركوسة

Anonymous said...

hahahahhaa,,,, waalahe ennek nahfeh :)
7eloooo.... very nice :) .......
had byt7a2a2 b sabe3 7elem :)

Anonymous said...

ههههههههههههه
نهفة والله

قال خمسين ليرة مصروف البيت اليومي

اما فلم خيال علمي مش طبيعي :)

يا ملائط اجيتي ع الوجع.. كلو من وحل الواقع

Anonymous said...

آآآ و الله ياختي!!
نحلم!!! و ما نحلمشي ليه!! هوّا كان حدّ حايشنا؟
و ان شاء الله الحلم يبقى حقيقة!!
بسّ نقول يا رب و نشدّ حيلنا!!
ياللّا ايدك معايااا...

Diana said...

LOL :D
انشاالله يكون فال خير هالبوست يا ملاقط
و يصير هالشي حقيقة مش خيال

بحلم كتير أنا، عارفة :(

Mala2e6 said...

vagueraz
maybe..we can only dream.thanks razan happy blogging day :)

askadenia

ينصح بعدم مشاهدته لضعاف القلوب و مرضى السكر
بس بالله عليك مش حلو لو صح؟
شكرا اسكدينيا

naryat

كما قال هاني شاكر
طب لية ما نحلمشي ويا الهوا نمشي
و هاي ايدي على ايدك بقول يا رب ترفع عن هالبلد الغلاء و تهدي اعصاب الناس و تروق بالهم

diana
ان شاء الله
و احنا النا غير اننا نتمنلى و ندعي و نحلم؟

يعطيكي العافية احلمي اكتر بلكي الاحلام تحققت

شكرا ديانا

Anonymous said...

great idea in this day, hope jordan will be like that one day. ya rb. ( ana hayny bad3y ma3kom kman bejooz a6la3 men el walaya w tostajab da3wety :D )

Anonymous said...

هيدي متل غنية لزياد الرحباني: قوم فوت نام و صير حلام انو بلدنا صارت بلد..يمكن تكوني بتعرفيها..المهم الله يحسن احوالنا

بس عجبني ابو عقلة عم بدلع مرتو

كيفك انت يا عسل

Mala2e6 said...

bahloul

lool
كمان دعوتك مقبولة و لو مش ولايا

noura

نورا

كله احلام يا نورا
ابو عقلة بيفيق بالواقع بيسلخ ام عقلة بوزين و بيسمعها كلمتين

الله يحسن احوال الجميع

انا منيحة انتي كيف؟

Anonymous said...

wallah 7ata el7elm ma 3am yekhalouna ne7lamo..
ana el7amdillah b kheir.. am just in a wait and see situation, I need to go home and can't at this time not until things become more clear..

I hope all is well with you, and please ma tgheebeh kteer 3leina..w tamneena 3anek 7abibti :)
Take care..

Unknown said...

ibdaaaaaaaa3!! hehehe...
One of the best posts about Jordan!
and even if all of what you've mentioned is fiction...I still love Jordan...
I just hope it gets better and better with time :)
I love the picture!! hehe

Amjad Wadi said...

Mar7aba Mala26
I came by this topic yesterday : somebody posted one of your posts (ghaly ya ordon) as a comment in ammon. I sent two comment to the website moderators to refer to your website, but with no response check comment number 54 here:
yourhttp://ammonnews.net/arabicDemo/article.php?articleID=16138

w bahdileeehom 3ashan ma raddo 3alay :(

Amjad Wadi said...

here is the full address

ammonnews.net/arabicDemo/article.php?articleID=16138

Saned! said...

bidon tad5een? haha ya reit wallah
I came back alst Sunday and the number of smokers has increased so much it's disgusting...

Waed S. said...

El yom sar eshe 3'areeb ! kont b el ma7kamah for sum paper work and the people there were friendly !
ur dreams are coming true!!
Nice post !

Anonymous said...

والله من الاخر هالقصه يا ملاقط!!!
يعني لو زدتي ف القصه شوي كان بلشت اصدق حالي

و على حد قول الشباب المحترمه ان شالله البلد بتصير هيك ...
لما ترجع امي عروس!!!

لووول
إلا صحيح وين هالغيبه زماااااان عنك؟!!

mais

Sam said...

LOL i love it...it is so unreal it is funny...

Hani Obaid said...

Ba3deyn ma3aki ya mala2e6. I have yet to read a single one of your posts I do not like.

Put some effort into it :P

Anas said...

اه!! لما يطلع الحمار على المأذنه

كلمة مأذنه مش عيب صح؟؟

Mala2e6 said...

noura
الله يهدي البال يا نورا انتي و كمان اكمن الف بتستنو ترجعوا
ان شاء الله الامور بتهدى قريب
شكرا نورا

nido
اهلا ب نيدو سينير و نيدو جونير
منورين
انا كمان بحب الاردن و بحب يكون احسن بلد بالعالم

شكرا نيدو

amjad
بتعرف وصلتني على الفيس بوك كمان
ما اظن بقدر اعمل اشي لانه اللي كتبها ما قال انه هوة كتبها
شكرا كتير امجد

بس بدي ابهدلهم عن جد كيف يعني ما بيردوا عليك؟

saned
ما هوة شو بدك تعمل يعني الناس بتدخن من الهم بيقولو مننفخ الهم مع دخان السيجارة
بدك تشوف جنة المدخن روح ع بيروت
بس تنزل من الطيارة الكابتن و المضيفات و الشرطة بالمطار كلهم بيدخنوا
عادي
لازم نركب بوري صوبات على راس كل واحد عشان التلوث

منور يا سند زمان عنك ما تبقى تغيب

lost within
first of all welcome to al manshar

and thanks for ue visit .all i can say is barakatek ya 7ajjeh mala2e6
:D

mais
انا هون انتي وين؟

احلى اشي الاحلام و احلى اشي لما نصدقها
و ان شاء الله يا رب هينا مندعي

sam
welcome to almanshar sam

we alwaysrun to dreams when reality is too hard to accept.dreams save us from severe nervous breakdown

hani
i am doing my best sho a3mal..u r hard to please ya hani :D

3o6oor
لا مش عيب
ما عيب الا العيب
اهلا يا عطور
عندي قزايز فاظية ..تشتري؟

Amjad Wadi said...

اه .. انا هيك قصدي .. بهدليهم

Anonymous said...

عن جد توتة توتة خلصت الحدوتة ولله زكرتيني بأيام زمــــــان

Mala2e6 said...

amjad
خلص هالمرة سماح اذا بيعيدوها منحطهم باوضة الفار

:)

bukah
انت وينك؟ عن جد وين ايام زمان؟لما كان بوكة دايما موجود..اشتقنالك والله

لا تضل تغيب
كتير انبسطت من زيارتك

حياة تستحق الانقاذ said...

LooooooooooooooooooL
ma 2rwa2 2lbek ya mla2e6 ..
its very positive thinking over than we can emagin "hehehehe"
best wishes 4 you smily Girl

Om El MeeS

Me said...

Happy Mother's day to your and your loved ones...young and old!

Anonymous said...

الله يديم عزك يا بلدنا

بدك تشوفي قمة الترتيب تعالي وقفيلك نص ساعة على طابور الصيدلية في عيادات التخصص بالمدينة الطبية

Anonymous said...

Saba7ooo...
passing by...
just wanted to asabbe7 o 2a2ollik enna mnetfa2ad mudawantik kol yom o miss u ;-)
tamneena 3n 25barik...
wish u r having a very good time :-)

Anonymous said...

TAGGED
buahahahahahahaha !!

Mala2e6 said...

om il mees
sorry for the late reply
best wishes to you too sweet om il mees

summer
happy mother's day summoorty a7la mom bil dinya w alaz mom kaman.sorry i missed mother's day on my blog this year,lots is going around.thank you for your wishes summer

na3ouri
ناعوريييييييي
زمان يا مان
و الله كل ما اروح على مؤسسة حجومية بحس انه الناس مش ناس بيتعاملوا على هالاساس شفت يا اخي؟ ما في احساس
كأنة الناس المساكين لانهم مواطنين لازم يقعدوا على كراسي مكسرة و يمشوا على ارض وسخة
ما في احترام يا خوي يا ناعوري للمواطن
و كمان الحق على المواطن
انا بشوف ناس ما بيقدروا النظافة اصلا
اللي بيرمي ورق عالارض و اللي بيبزق عالارض
يييع
يعني بدك تقول الحق عالحكومة؟ ولا الحق على هالبشر

narnar
مقصرة والله مقصرة بس شو اعمل عم بتقطع تقطيع و بهذه المناسبة بهديكي اغنية قطعني حتت انا ملك ايديك

sharifo
اه والله؟
و فرحان اوي؟
طب اسمع
اقولك سر
انا رحت شفت التاغ
مش هدا الامتحان قدمناه بسنه اولى؟
اول ما صرنا بلوجرز؟
امتحان الكفاءة البلوجرية
مش عارفة شو بدي اكتب لانه رح يطلع ممل قد ما جاوبنا هالسؤال
بس بوعدك يا ابو الشريف انه اذا طلع معي اشي بعطيك اياه
و اشكرك و اشكر التلفزيون الاردني و الاذاعة و كل من ساهم في هذا العمل الفني الخلاق

Anonymous said...

Sho asdek fi khayaleyeh ya3ny ahhhhhhhhhhhhhhhhhhh?!!!!!

w wain gha6sah sa7ee7?! :)

ام العيال said...

shata7tee kter ya okhty
perfect world ??? isn't it

Anonymous said...

فعلا قصه خياليه خاصه شغلت شرطي المرور هاي بس حلوة انه الواحد يعيش الجو المثالي ولو بالخيال

Anonymous said...

hiiiiiiiii...whyy cant you add alink so we can post ur articles (the ones we like )) in our facebook acount o myspace ..it will be really nice ..
all the luck :)

mais

Anonymous said...

انتا خيالك واسع كتير وعندك مرض اسمو وهم شديد وعدم افاده

Anonymous said...

bas ba7eb a7ke eno ebta wa7 bareeeeeeeeeeeed w zene5 kaman enta w 2e96ak
ya mala2e6!
loooooooooooooooooooooooooooooooooooooooooooooooooooooooooooooooooooooooooool
:P
bye!